- 天氣: 炎熱
- 心情:
有xanga account 的朋友話我知，等我加你地入protected list! ^^
http://www.xanga.com/davewkw 
- 天氣: 炎熱
- 心情:
我一向都不在blog打公事，因為這裡是公開的，誰人也可以來看，難道我都要轉去xanga，開一個加密account? 沒辦法，在google都可以搜出我，實在太沒有安全感了。記得有朋友就是寫了公事在blog 上，給同事看倒，就賴野=.=~
最近因公事忙了，開始沒有日日做運動，不得了~不要半途而廢。另外，學英文都停下來，弊。我有太多事想做，還是不要看電視，坐那麼久梳化。
工作上開始有火，有火是值得振奮，充滿著幹勁，但同時間令我想起FYP三屍的經歷~~
今天去影智能身分證，之後陪媽媽飲下午茶，是五天工作帶來的好處，除了基本的休息，還有時間做多一點。
呢度係我嘅場，都唔可以暢所欲言，又有咩意思?!
- 天氣: 炎熱
- 心情:
難得想打blog，點知blog server down 左，唯有用notepad打住先。已經有一段日子冇來過自己嘅blog，也沒有看過朋友嘅blog，回想一下，究竟我去左邊呢?無錯，沒有記下日子真的枉 過了，我已經記不起發生過什麼事情。想一想，發覺自己變了，從前我很愛思考，對什麼事情也想很多，有時甚至過分了，好處是計劃周詳，細心眼，壞處是多疑， 自己壓力大。今日嘅我，變左煮到埋黎就食，殺到埋身先算，這樣雖然壓力會少了很多，但見步行步的處事方法，我看不倒大成就的未來。看倒大家嘅blog，談 自己嘅愛人，自己嘅工作，雖然都只是日常瑣事，但感覺倒你們為之而自豪，為之而努力，那股力量，我仍在追尋，沒有明確的目前，好難發揮巨大的潛能，最終， 可能每天工作都只是應付式。有一位朋友說，自己成世靠"負碌"，做事好馬虎，我告訴他是因為未找倒自己的目標，未找倒自己的方向，所以未為之而努力而已。 事實上，這番說話我應該同自己講。
返左兩個星期新工作，感覺同我所期待的有所出入，使我再次模糊起來。近排立心在各方面增值自己，因為機會是留給準備好的人!
專家說若要戒掉壞習慣，就要培養一項好習慣取而待之。我已經好耐冇睇過書，是時候再次提起書本了。
一直都聽家姐說"天作之盒"好看，昨天終於看了同事借給我的VCD。確實是一個很感人而真實的故事。可曾想過上帝給你什麼使命?
- 天氣: 微雨
- 心情:
倒數進入最後一星期，好快就要離開科學園，離開公司，離開一班好同事。不過諗深一層，科學園同公司都冇咩值得我留戀，只係有D唔捨得D同事。我地一班同事 都係fresh grad，感覺好像同學仔一樣。之後到新公司工作，就會完全唔同樣了~不過，我對新工作、新同事都有期待:-)
激•戰國無雙帶領我從谷底反彈!!
星期六去攞電話，真係勁，一日就整好。回家途中，好唔好彩比人截停講保險。其實平時我都唔會理，不過果日唔知係咪整番部電話，心情好，又見有時間，好心幫 佢做問卷。聽完一大輪後，我嘅結論就係做agent 真係要有好多口水，佢一輪嘴唔停咁講，我都插唔倒口。其實我想講嘅野好簡單，就係即使你個保險plan有幾咁好，我冇多餘錢買就係事實，講乜都冇用架喇。 其實我都幾佩服佢咁厚臉皮、咁長氣，我都要多多學習一下，但有一點好唔得嘅就係肚裡面沒有一點墨水，佢舉理論，拋好書包黎支持佢果plan有幾抵，雖則全 部都言之有理，但事實上係九唔搭八，就例如A 係對的 B係對的，就用A+B推論C 係對的，而事實上C 與A B 係冇任何因果關係。佢愈係舉呢D 例子，我就愈更加唔會買啦，真係當我讀屎片架咩@@?雖然佢好多立論都係錯，但我都係冇時間再同佢玩落去，況且拗贏我都冇著數，最後浪費時間輸嘅都係我， 所以敷衍回應罷了。下次都係點行點過就算，係都要逼我做冷血無情的人~
星期三端午節，閒來沒事做租了一隻一直好想看的VCD來看 -《The Note Book》。我不會用「好睇」或「唔好睇」來形容，整齣戲都好細緻，你問我即是什麼? 細緻就是每一個位都做得剛剛好，好配合。感人的情節沒有令我流淚，但似乎教曉了我一點東西。大家若是有時間有心機如我的話，這一齣是推介!
自從搵倒新工，開心完一輪後，心情開始平復。平復過後，心情開始轉差，事出無因，只覺得負能量不斷積聚，所有思緒都變成負面，心情漸漸跌進谷底。不用怕， 我打得出呢篇blog證明已經從谷底爬番起來，心情差的原因大概是周期性失常~心情總不會長期在high的狀態，反之，心情亦不會長期在down的狀態。
迷失的時候，很想有人給我指引，還真幼稚氣。我知道是失去信念，失去信念就沒有依靠，才會這麼沒有方向。
要變得更加獨立，更加自信，才會發出光來!
第一份工作，我賺倒太少了，全因為沒有目標。新工作希望可以給我一個重生的機會。
不能成就大事，是因為未下定堅定的決心。
- 天氣: 熱
- 心情:
呢個禮拜就如放假一樣，返左工都唔駛做，日日準時放工，除左禮拜三OT 左一晚，雖然OT到1:45，但都係等support ，冇乜野做~ 仲諗住support 到4點，係公司睇埋歐冠杯，點知問題太複雜，決定唔上新version，可以提早走人。不過都好，番到屋企沖個涼，剛剛開場。其實我平時都唔睇波，但歐冠 杯決賽又點可以錯失啊，最終睇到5點，第2日CL，fit 晒!
趁有時間，應該做d 自己想做嘅野。
開始懶散，沒人去掌舵，漸漸又迷失。
提起精神，告訴自己休息，就是為了以為長期作戰! 目前不用多做，反而要多想。
拉克絲說：「若想要成就某件事，先要決心，繼而行動。」
- 天氣: 涼
- 主題曲: Everytime We Touch
要不是朋友提起，我差不多已經忘記了這裡~ 呢排發生嘅事都係圍繞住公司，因為唔想係blog寫公事，所以連自己也沒有來這裡......
上星期五係4位同事的last day，佢地在意大利蕃茄買了三個蛋糕，又買左野飲，我問:「係咪差枝香檳呢?哈......」到下午嘅時分開始相信他們即將離開的事實。
星期六早上，check番幾位同事嘅thank letters，感到一遍唏噓~ 成朝都冇做過野就收工!
晚上，提早慶祝melo 的生日。
今日臨近放工時分，與同時討論，之後呢度得番四個人，剛好夠腳開檯......-.-" 回想當初 IT Department 有成廿幾人，今非昔比~
下個星期起我就開始冇王管~
今日睇完個photo album，background music 很好聽，終於比我搵倒首歌 - 《Everytime We Touch》
颱風珍珠，不日將會抵港!
- 天氣: 炎熱
- 心情:
呢個星期好短，繼復活假後，返左三日請左一日假，返半日又放一日假，趁著呢幾日終於回一回番D 氣。早排阿頭去左旅行，衝鋒陷陣完一輪，之後又地震，局向未明，人心惶惶，直到昨天星期六，炸彈終於爆了，估唔倒爆完反而鬆一口氣，也許是因為最糟的情況都已經發生了~
今日磅重，證實了上個星期只不過係假象，但我仍會繼續努力!! 決心有增冇減。
近來因玩PSP 接觸多了日文，令我有D想學日文，不過談何容易呢。良好嘅語言能力，係一種魅力。
- 天氣: 涼
- 心情:
我一直都認為，100號果對啞鈴係齋擺係度，冇人會舉得起，亦都質疑過搬運工人係點將佢地搬黎。今日我親眼見倒有人舉起佢地，仲連續舉足10下、3set
Unbelievable!!!
原來食朱古力真係會肥架 ! 一個星期我肥左1Lbs !! I am keeping fat!
會唔會係食飽野未消化嘅錯覺呢? Anyway，下次再磅就知真假~
- 天氣: 涼
- 心情:
做人要有point ! 要實一點，實幹一點。冇point會點呢? 個人會浮囉~
放假，就要全心全意地放假!
Bravenet Blog 
Blog Community
Get a Free Blog
Manage your Blog
bravenet.com